昨日發生兩件令Dora爸爸感恩的事。
早上。
爸爸：Dora ，are you ready? 我哋返學啦。
Dora在廁所探頭出來：未得啊。
爸爸：做咩啊？
Dora: 啱啱小畢（狗狗）屙咗vivi 係果度，我要拖咗地先。
爸爸：好乖噃，但係你識抹尿尿咩？
Dora: 識啊！因為我之前叫姐姐教咗我，首先攞tissue或者報紙抹抹，之後拖拖，之後好似咁樣噴噴。
Dora同時已吃力地將地拖搬到尿堆旁。
爸爸：但係我哋抹完先走就趕唔切啦，不如今次姐姐抹咗先，下次你先抹好冇？
Dora: 唔準小畢下一次周圍屙vivi，如果唔係我真係嬲嬲㗎。
Dora爸爸昨夜送完潘姐姐，深夜才回家，準備刷牙時，卻驚見牙刷上已塗有牙膏。心裏真的很甜呢。
今日早上，Dora早了起床。我說：不如爸爸陪你瞓多十分鐘。
Dora:不如我哋愛十分鐘，我好愛你同媽咪啊。
我們相信，這真的是我們的小天使啊！
Search